Gelako programazioen aurkezpena hirugarren eguna

Kaixo!!!
Gaur gelako ikaskideek, gelako programazioen aurkezpenarekin jarraitu dute. Gaurkoan nik ezin izan dut klasera joan, baina lagunek ikusitakoa azaldu didate eta egia esan, aukeratu dituzten gaiak oso interesgarriak iruditu zaizkit.
Hauek izan dira:


-Animaliak
-Herrialdeak ezagutzen
-Gabonak
-Ura

Gelako programazioen bigarren aurkezpenak

Kaixo!!!
Gaurko saioan gelako programazioen aurkezpenekin jarraitu dugu, eta gaurkoan bai gure taldeari tokatu zaio aurkeztea.
Badakigu beti daudela hobetzeko gauzak, vaina orokorrean oso ongi egin dugula uste dut. Nire sentsazioa behintzat ona izan da.
Gure lana inauteriei buruzkoa izan da, eta gaia itsas animaliak izan dira. Inauteriak nola lantzen diren azaldu dugu, eta gaiari buruz egin daitezkeen hainbat jarduera isladatu ditugu, adibideak jarriaz: adibidez gelara guk egindako mozorroak eraman ditugu eta egia esan, oso politak gelditu zaizkigu.
Gutaz gain, beste bi taldek ere bere lana aurkeztu dute eta egia esan, oso politak izan dira. Hauek izan dira besteen gaiak: baratzea, eta japoniar eta euskal kulturaren arteko desberdintasunak.
Gure lana, hezitzaile izango bagina bezala bideratu dugu, besteek ordea ikasle moduan egin dute aurkezpena.
Oso interesgarria da ikustea, modu askotan egin daitekela lana eta denak egokiak direla. Gainera azkeneko taldeak bideoen bidez azaldu du eta oso ongi ikusi da isladatu nahi zutena.

Gelako programazioen aurkezpenak, lehenengo eguna

Gaur gelako programazioen aurkezpenarekin hasi dira ikaskideak. Guk ostiralean daukagu gurea, eta beraz gaur besteena ikustea tokatu zaigu.
Hiru izan dira egindako aurkezpenak eta egia esan, gai oso interesgarriei buruz aritu dira: zaporeak, landareak eta sentsatzio eta sentimenduak.
Jarduerak interesgarriak eta politak iruditzeaz gain, asko gustatu zait  azkeneko bi aurkezpenetan gelakideen parte hartzea sustatu dutelako. Nire ustez, aurkezpen dinamikoak eginda, jendeak arreta gehiago jartzen du eta askoz ere entretenigarriagoa izaten da.
Beraz, gaurko aurkezpenak kontuan hartuko ditugu gurea era egokian prestatzerako orduan!!

Gelako programazioa, apirilak 11

Aupaa!!!
Gaurkoan Ainhoa eta biok aritu gara gelako programazioa egiten. Gustura egiten dugu lan elkarrekin eta beraz, erraza izan da ideiak tartekatzea.
Jarduerak pentsatu eta antolatzen aritu gara eta nahiko ideia onak lortu ditugu.

Gelako programazioa, apirilak 8

Gaur lan modularra entregatu dugunez, orain lasaiago ibiliko gara gelako programazioa egiten. Gaurkoan lanaren sarrerarekin aritu gara, hasieran zalantzak izan ditugu baina azkenean, nahiko ongi geratu zaigula uste dut.

Gelako programazioa, apirilak 4

Kaixo!
Hemendik aurrera bloggera igoko ditudan sarrerak gelako programazioari buruzkoak izango dira. Gelako programazio bat egin behar dugu taldeka eta nire taldea hau da: Ainhoa, Marta, Leire eta ni.
Lan hau nahiko interesgarria eta aproposa iruditzen zait, gainera, gaur gaia aukeratu dugu eta gai polita dela uste dut. Guk aukeratu dugun programazioa inauteriak izan da, eta bertan jorratuko dugun gaia itsas-animaliak.

Txokoak

Aurreko astean proiektuei buruz hitz egin genuen gelan, gaur ordea, txokoei buruz hitz egiten egon gara. Binaka jarri gara eta galdera batzuk eman dizkigute txoekoen metodologiari buruz lehenagotik genekiena hausnartzeko. Ondoren talde handian komunean jarri ditugu.
Hauek isan dira galderak:

1.-Zer dakizu txokoetan oinarritutako metodologiari buruz? Txikia nintzenean, nire eskolak, txokoetan oinarritutako metodología erabiltzen zuen eta nik oso gustoko nuen.
Ikas komunitateetan egon nintzen eskola batean duela 2 urte eta eskola horrek ere metodología berdina erabiltzen zuen, Gainera, modularra egiteko behatu genuen ikastetxean ere txokoak zituen.
Txokoetan lantzen diren gaiak hauen izan ohi dira; matematikako txokoa, etxe txokoa, puzzle txokoa, margotegi txokoa, ipuin txokoa...
Irakaslearen papera behatzea izan ohi da, eta haurrek laguntza behar dutenean laguntza eskaintzea.
Gela, normalean 4 edo 5 txokoetan banatuta egoten da, eta txoko bakoitzean talde txiki bat jarri ohi da.

 2.-Zeintzuk dira atera dituzun ideia edo ikaskuntza nagusiak?

 Haurrak ebaluatzeko modu egokia dela uste dut, izan ere, talde txikian egonda, irakasleak hobeto ikus ditzake gauzak.
Gainera, modu asko daude txokoekin lan egiteko, eta eskola bakoitzak berarentzat modu egokiena erabil dezake.

Hauek dira proiektuan oinarritutako metodología eta txokoetan oinarritutako metodologiaren arteko berdinatsun eta desberdinatasunak:

Berdintasunak:
 - Arlo desberdinak lantzen dira egoera batean.
- Denbora mugatzen da.

Desberdintasunak:
- Proiektuaren taldea ez da banatzen, txokoetan bai.
- Txokoak libreagoak dira.
- Proiektuak gidatuak izan ohi dira.
- Irakaslearen papera desberdina da, txokoetan behaketan oinarritzen da eta proiektuetan jarduera bideratzea, azaltzea, pausuak ematea...
- Txokoetan espazioa banatzen da, proiektuetan proiektuaren arabera antolatzen da.

Ikaskuntza esanguratsua

Gaurko klasean, lehengo ostiralean egindako ariketa berdina egin dugu, testu desberdinekin eta alderantziz, hau da, lehengoan irakurri ez zutenek, oraingoan irakurri dute besteei azaltzeko.
Hauek izan dira azaleratutako gaiak: metodología, globalizazioa, gelako programazioa, ikaskuntza esanguratsua...
Nire taldean hauek izan dira aspektu garrantzitsuenak:


- Programazioa Aurrera eramateko jarraitu behar den lehenengo pausoa, irakasleak elkartzea da. Gainera, irakasle eta familien arteko harremana ezinbestekoa da. (Ikuspegi globalizatuta)
Printzipio metodologikoak (Globalizazioa eta ikaskuntza esanguratsua).

• Behaketa.
• Asoziazioa: ikasten ari denaren zentzua jakin, gero errealitatera eramateko. Ikasle aktiboa. Irakasle bakarra.
• Adierazpena: Bere erara azaldu, berak bere argudioak eman (ebaluazioa).

- Globalizaziok 3 metodo ditu: interes gunea, proiektuak eta inguruaren ikerketa.

1. Intentzioa: gaia. Faseak: Behaketa, espazioa, denbora...
2. Intentzioa: Lan proiektua. Faseak: Ebaluazioa, intentzioa...
3. Intentzioa: Galderak. Faseak: Motibazioa, hipotesiak, ondorioak...

- Programazioaren helburuak:

Helburuak eta edukiak, elkarlotutak daude.

Ikasleen arteko kooperazioa sustatzea da helburu bat.

Helburuen baitan, lan zehaztapen maila:

• Arlo guztietako etapak - helburuak.
• Arlokako helburuak.
• Arlo guztietarako ziklorako helburuak eta arlo bakoitzeko helburuak.
• Ikasturtearen programaziorako helburuak eta unitate didaktikoen helburuak.

- Irakasleek ikasleen interesa piztea oso garrantzitsua da,  lehenago zituen ezagutzetatik  ezagutza baberriak sortzeko (SUBSUNSOR). Ikasleak aktiboki parte hartu behar dute.

Proiektuak

Gaurko saioan, proiektuetan oinarritzen diren ikaskuntzei buruz hitz egin dugu. Hiruko taldeetan elkartu gara bakoitzak gaiari buruz zekiena hausnartzeko. Ondoren, talde handian komentatu dugu eta saioaren amaieran, ikasi duguna ondorioztatu dugu.


Galderak:


1. Zer dakizu proiektuetan oinarritutako ikaskuntzaz? Nire taldearekin hausnartu ondoren ondorio hau atera dugu:
Ikastola bakoitzak bere proiektua  dauka ezarrita (Proyecto Educativo de Centro), horrela ikastola bakoitzak bere filosofia eta metodologia finkatzen du. Beraz, maila bakoitzean eta  gela bakoitzean, zenbait eduki landu eta helburuak lortzerakoan metodologia horretan oinarritzen dira.

Curriculumak aipatzen dituen eduki eta helburuak landu behar direla dio, beraz, proiektuen bitartez edukiak modu desberdin askotan landu daitezkela erakusten du.


2. Zer falta zaizu ikasteko?

 Hausnartzerakoan, ondorioztatu dugu interesgarria izango litzatekeela pedagogo gehiagoren iritziak jakitea. Horrela, ikuspuntu gehiago ezagutzeko.

 3. Zeintzuk dira atera dituzun idea edo ikaskuntza nagusiak?

Metodología, proiektuetan oinarritzen dela. Gainera, proiektu batean gauza asko landu daitezkela era desberdinetan eta  esperientzietatik eta haurren interesetatik sortzen direla, globalizazioa eta ikaskuntza esanguratsua.

Teoria curricularrak eta curriculumaren maila desberdinak

Gaur klasean dinamika berri bat egin dugu. Gelakide batzuk txosten batzuk irakurri behar zituzten etxean curriculumaren inguruan. Txosten horiek irakurri ondoren, gaur irakurri dutenek irakurri ez dutenei esplikatu behar zieten talde txikietan. Dinamika nahiko gaizki atera da eta talde handian komentatzea erabaki dugu. Hauek izan dira ateratako ondorioak:

Hiru teoria bereizten dira:


1. Teorikoa: Estrategiak ikasleak edukiak ulertzeko, metodologia, baliabide asko zailtasunak dituzten ikasleekin.
2. Praktikoa: Ekintzei, egiteari,... garrantzi handia ematen zaie.
3. Kritikoa: Irakasleak irakasteko orduan teoria bat izan behar du kontuan. Irakastea autokritikoa da eta hausnarketari garrantzi handia ematen dio. Kontuan eduki behar dira egoera sozio-ekonomikoak.

- Teoria bakoitzetik kurrikulum mota bat atera, denak desberdinak.
-Kurrikuluma ez da soilik mugatzen ikaslearen ikaste prozesuari, baizik eta ikaslea eta ikaste prozesua inguratzen duen testuinguruan ere oinarritzen da.
- Testuliburuak ez dira moldatzen ikasle guzientzako, irakaslea izan behar da hau moldatzen duena eta jarduerak moldatzen duena ikasleentzako.


Zehaztapen mailak:

- Egokitzapena: Ikasleak behar bereziak baditu, kurrikulum desberdin bat aplikatu beharko zaio.

- Taldearenak edo pertsona batekoa izan daiteke. Horretarako ikastetxeko proiektuan oinarritu behar gara.

Hona hemen zehaztapen maila desberdinak:

1. Dekretua (Hezi Berri)
2. Ikastetxeko programazioa
3. Klaseko programazioa
4. Banakako egokitzapen kurrikularra (CEI/ACI)

Taldeko hausnarketa

Gaur klasean, gure taldearen, hau da, Iruntxo taldearen blogak aztertu eta konparatu  ditugu. Bakoitzaren argazkiak curriculumarekin konparatu ondoren, ohartu gara, curriculumaren hainbat aspektutan bat gatozela.
Hemen daude nire taldekideen blogak:

Iratxeren bloga
Leireren bloga
Martaren bloga


Hauek dira hausnartu ondoren, komunean genituen puntuak:


Inauteriak:     
- Adierazpen artistikoa eta musikala (Gorputza eta emozioak autoerregulatzea).

- Elkarlana eta lankidetza

- Errespetua

- Parte hartzea

- Ahotsa deskubritzea eta probatzea.

- Hizkuntzaz kanpoko zeinuak (intonazioa, keinuak, aurpegierak) ezagutzea eta arian-arian erabiltzea, komunikazio-xedearen esanahia indartzeko.

- Espazioaren, erritmoaren eta denboraren lehen nozioak lantzea mugimenduaren bidez.

- Norberaren gorputzak dituen komunikazio-ahalmenak arakatzea, deskribatzea eta erabiltzea, adierazpen-baliabide izateko: mugimendua, negarra, irribarrea, oihua, tonua, adierazkortasuna, keinua.

- Soinu eta kontraste batzuk entzumenaren bidez bereizten hastea: zarata-isiltasuna, luzea-laburra, ozena-eztia, etab.

- Zentzumenak esploratzea eta askotariko materialak eta tresnak erabiltzea. Materialen eta tresnen ezaugarri batzuk deskubritzea.

Gabonak: 

- Adierazpen musikala

- Parte-hartzea

- Harremana taldean

- Gorputza eta emozioa autoerregulatzea

- Ahotsa deskubritzea eta probatzea

- Espazioen, erritmoaren eta denboraren lehen nozioak lantzea mugimenduaren bidez.

- Informazioa ulertea, buruz ikastea eta adieraztea.

Txangoak:

- Autonomia lantzea, segurtasuna, bakoitzaren nortasuna eraikitzea.

- Ingurune fisiko eta soziala behatu, aztertu..jolasen bidez.

- Errespetu, laguntza eta lankidetzako jarrera.

- Plangintzan erabakitakoa betetzea / arauak.

- Pertsonen arteko harremanak eta komunikazioa lantzea.
- Gatazkak kudeatzea

- Hartu-emanak gizarte-inguruan / ingurune fisiko eta naturalarekin

- Lotura afektiboak bilatu eta ezartzea adineko pertsonekin eta eskolako harremanekin.

  Enpatia-jarrerak izaten hastea.

- Naturako elementuak eta fenomenoak behatzeko interesa izatea. Haien ezaugarrietako

  batzuk ezagutzen hastea.

Klasean/ psikomotrizitate gelan:

- Konpetentzia motorra: nortasunaren eraikuntza eta komunikazioa eta adierazpena.
- Gorputza kontrolatzea (oreka, koordinazioa...)
- Errespetua, laguntza eta lankidetzako jarrerak eta ohiturak lantzea.
- Ongizate emozionalari eta fisikoari dagozkion jarrerak lantzea.
- Zentzumenak gorputza eta kanpo-errealitatea arakatzeko erabiltzea eta, zer sentsazio eta pertzepzio izaten dituen ezagutzea.
- Konfiantza izatea zereginak laguntzarekin betetzeko eta eguneroko bizitzako zailtasunak gainditzeko ahalmenean. Arrisku egoera batzuk hautematen eta sahiesten hastea.
- Norberaren erritmo biologikoa eguneroko bizitzaren sozializazio-sekuentzietara egokitzea.
- Eskuen erabilera fineko trebetasunak koordinatzea eta kontrolatzea.
- Jolas arauak ulertzea.
- Gailu teknologikoen eta digitalen gaineko interesa adieraztea eta haiek erabiltzea, pertsona helduen laguntzarekin.
- Askotariko testuak (ipuinak, olerkiak...) arretaz entzutea eta testu horiek eskatzea.
- Joku-librean parte hartzea.

Esaldi baten hausnarketa

Gaurko klasean hezkuntzaren inguruko esaldi batzuk hausnartu ditugu. Bikoteka elkartu gara eta bakoitzak esaldi bat hausnartu du. Ainhoa eta bioi hurrengo esaldia tokatu zaigu:


"El colmo de la estupidez es aprender lo que luego hay que olvidar"Erasmo de Rotterdam (1469-1536)


Egia da gauzak modu tekniko batean irakasten badira, ikasleei ahaztu egiten zaizkiela denborarekin, baina gauzak modu praktiko eta egoki batean azaltzen badira, ondo ulertu eta barneratzen dira eta ez dira ahazten.
Irakasleek metodo desberdinak ezagutu behar dituzte egoera desberdinetara egokitzeko. Beraz irakasle bezala, ongi legoke ikasleei era egokian irakastea gauzak ahaz ez ditzaten.

Haur Hezkuntzako argazkiak curriculumarekin

Gaurkoan, lehendik igotako Haur Hezkuntzako argazkiak Haur Hezkuntzako curriculumarekin erlazionatu behar ditut. Horrela ongi azaltzen da zer helburu daukan jarduera bakoitzak eta zein eduki lantzen diren bertan.


Hau da Euskal Autonomia Erkidegoan ezarrita dagoen curriculuma:


237/2015 Dekretua, abenduaren 22koa, Haur Hezkuntzako curriculuma zehaztu eta Euskal Autonomia Erkidegoan ezartzekoa


1.Txingudiko Santo Tomas eguna eta Santo Tomas eguna Haur eskolan


Bi argazki hauek elkartu ditut, festa era berean ospatzen delako eskola batean edo bestean, azken finen helburu eta edukiak berdinak dira festa berdina delako.


- Ahotsaren, norberaren gorputzaren, eguneroko bizitzako objektuen eta musika-tresnen aukerak arakatzea
- Adierazpen musikala eta fisikoa.

- Gorputza eta emozioa autoerregulatzea.

- Taldeko harremana sustatzea.

- Parte- hartzea.

- Ahotsa deskubritzea eta probatzea (abestiekin).

- Espazioen, erritmoaren eta denboraren lehen nozioak lantzea mugimenduaren bidez.

- Informazioa ulertzea, buruz ikastea eta adieraztea (abestiak).

- Arte-produkzioetan (ikus-entzunezkoen, teknologiaren, antzerkiaren, musikaren eta, besteak beste, gorputzaren bidez sortutako produkzioetan) parte hartzea, askotariko teknikak erabilita, komunikazio-aukerak arakatu eta kultura bera ulertzen hasteko.

2. Psikomotrizitate gelan

- Nortasunaren eraikuntza eta adierazpena eta komunikazioa

- Gorputza kontrolatzeko bidea urratzea eta testuinguruaren ezaugarrietara doitzea mugimenduaren tonua, oreka eta koordinazioa, ekintzetan dituen ahalmenak eta mugak deskubritzeko.
-Errespetu, laguntza eta lankidetzako jarrerak eta ohiturak lantzea, norberaren jokabidea erregulatu eta norberaren eta gainerako pertsonen beharrizanetara egokitzeko, eta sumisio nahiz nagusitasuneko jarrerak baztertzea.

3.Talde urdina

Kasu honetan talde lana sustatzea da helburu nagusiena, argi eta garbi.

- Parte-hartzea.

- Elkarlana eta lankidetza sustatzea.

- Errespetatzea

- Taldeko harremana sustatzea
4. Iratxe txirrindularia
Kasu honetan argazkian burutzen den jarduera eskolaz kanpokoa da, baina ahala ere eduki edo helburu batzuk kontuan har daitezke.
-Gorputzaren mugimendua lantzen da
-Norberaren nortasuna eraikitzea
-Segurtasuna
- Gero eta konfiantza handiagoa izatea norberaren ahalmen motorretan. Ekintzarako ekimena eta trebetasun berriak ikasteko jakin-mina izatea
5.Amatxorekin

Argazki baten hausnarketa

Gaurko klasean hezkuntzak dauzkan curriculum desberdinetaz hitz egiten aritu gara. Gainera, horiek ulertu eta praktikan jartzeko argazki bat hausnartu dugu ondoren.


Hauek dira hezkuntzak dauzkan curriculumak:


- Curriculum nuloa: Hezkuntzarekin zerikusia ez duten gaiak lantzen dira bertan, adibidez jaiotza.

- Curriculum ezkutua: Gai konkretu bat lantzen da, vaina hau ez da zuzenean egiten, zeharka baizik. Hau da, subjektuak gaia tratatzen du baina jakin gabe. Horrela jarrera eta balore batzuk barneratzen dira.

- Curriculum formala: Curriculumak markatzen duena jarraitu behar da, hau da, edukiak, helburuak, ordutegia, ebaluazio-irizpideak... lantzen dira, nahiz eta era desberdin asko egon horiek lantzeko.

- Curriculum erreala: Curriculum formala praktikan jartzea da, adibidez jardueren bidez, jarduerak egoera bakoitzara egokituz.





Nik argazki hau aukeratu dut, isladatzen dueña oso interesgarria iruditu zaidalako.
Argi eta garbi ikus daiteke, irakasle batek animali batzuk ebaluatzen dituela denoi froga berdina egiten. Baina, animali guztiek ez dauzkate aukera berdinak froga hori aurrera eramateko, eta beraz, batzuk, tximuak adibidez, erraz pasako du froga eta elefantearentzat ordea, ezinezkoa izango da. Pertsonekin berdina gertatzen da, bakoitzak kualitate desberdinak dauzkagu eta batzuentzat erraza dena, besteentzat zaila da. Pertsona eta har bakoitzak erritmo bat dauka, eta hori errespetatzea ezinbestekoa da, beraz, ezin zaie haur guztie berdina eskatu. 

CAJAS DE VIDA

CAJAS DE VIDA

Hurrengo lerroetan, "Cajas de vida" testuari buruzko hausnarketa pertsonala egingo dut.

Nire ustez, proiektu hau zoragarria da haurren segurtasuna eta autoestimua ongi garatzeko. Izan ere, haurrek gustoko dutena kaxa batean gordetzea eta nahi dutena erakutsi ahal izatea oso ideia polita da. Beren beldurrak, emozioak, pozak, esperientziak eta bizipenak azaleratzea oso positiboa da, horrela irakasleak arazo edo haurren kezketaz errazago ohartu daitezke.

Gainera, oso aukera polita iruditzen zait gelakideekin esperientzia pertsonalak banatzeko eta besteenganako konfiantza izan eta garatzeko. Kaxa honen bitartez haurrek ikas dezakete gelakide bakoitzak bere bizipenak dituela eta nahiz eta gurearen desberdinak izan, besteekin konpartitu daitezkela. Oso proiektu ona da, talde bezala errefortzua suposatzen duelako.

Pentsatzen dut, proiektu hau eskola guztiek aurrera eramango balute, haurrek segurtasun handiagoa eskuratuko zutela besteekiko txikitatik eta horrek garapenean onura asko ekarriko zituela. Horregatik ikasle bezala, eskola guztiak animatzen ditut proiektua proba dezaten.



Haur Hezkuntzako argazkiak

Txingudiko Santo Tomas eguna

Argazki honek oso oroitzapen onak ekartzen dizkit. Santo Tomas eguna ospatzen ari ginen lagun artean eta irakaslearekin. Gurasoen aurrean abesti batzuk abestu genituen eta txistorra jan genuen eguna ospatzeko. Txikitatik Euskal Herriko tradizioak eta ospakizunak erakusten zizkiguten guk ikasteko.

Psikomotrizitate gelan

Argazki hau psikomotrizitate saio baten aurretik atera ziguten. Psikomotrizitate saioak ikaragarri gustatzen zitzaizkidan txikitan, ez nintzen oso trebea alturetan, baina alde batetik bestera mugitzea oso gustuko nuen. Gainera lagunekin jolasteko oso momentu aproposa zen eta poz pozik joaten    ginen denok.

Talde urdina

 Gelakideak, talde txikietan banatutak ginen haur hezkuntza garaian.  Lau talde bereizten ziren kolorretan banaturik. Horrela, txikitatik lan batzuk taldean egin behar genituen eta beraz, besteekiko konpromezua eta talde lana aurrera eramaten irakasten ziguten.

Santo Tomas Haur Eskolan

Argazki hauek Haur eskolan ateratak daude. Santo Tomas festa ospatzen ari ginen. Dantzaldi eta kantaldi bat egin genuen gabonetako abestiekin eta primeran pasa nuen. Abestiak asko guztatzen zitzaizkidan eta ziztu bizian ikasten nietuen

Iratxe txirrindularia

 
Eskolan gauza asko ikasten nituen noski, baina eskolaz kanpo ere zaletasunak banituen. Aitak erakutsi zidan txirrindan ibiltzen. Atzeko gurpilak kendu zizkidanean, berak atzetik heltzen ninduen eta bakarrik nijoala kontutatzen nintzenean, beldurra sartu eta lurrera erortzen nintzen. Oso oroitzapen onak dauzkat aitarekin jolasean.

Amatxorekin

Ama zen eskolara eramaten ninduena. Argazki hau eskolara sartu baino lehen ateratako argazkia da. Asko atsegin nuen eskolara joatea eta pozik joaten nintzen lagunekin jolastera, baina hala ere amaren ondotik banatzea ez nuen batere gustuko.

Txangora goaz

Arantzara goaz! Eskolarekin lotara joan ginen lehen txangoa izan zen. Urduri nengoen, baina poz pozik. Handia sentitzen nintzen gurasoengandik urruntzen nintzelako. Denbora guztia eman genuen jolasean eta parranda izugarria egin genuen. Oroitzapen bikaina daukat lehenengo aldia izan zelako familiatik urrundu nintzela.





Ikasgaiaren Bloga

SARRERA

Kaixo!!
Iratxe Garcia naiz eta magisteritzako Haur Hezkuntzako ikasketak egiten ari naiz Donostiako unibertsitatean. Blog hau didaktika saioan sortu dut eta bertan argazkiak, bideoak, hausnarketak...erakutsiko dizkizuet. Espero dut gustoko izatea!
Mila esker irakurtzeagatik.